Йосыпов Илшат Шамил улы (22.09.1979) махсус хәрби операциягә 2024 елның сентябрендә Питрәч хәрби комиссариатыннан контракт нигезендә китә. Кызганычка каршы, хәрби бурычын үтәгәндә вафат була. Илшат Шамил улының әти-әнисе исән-сау, Питрәч районы Көек авылында яшиләр, 2001 елгы кызы, 2019 елгы улы бар.

Хушлашу мәрасимендә Саба муниципаль районы башлыгы урынбасары Расих Закирҗанов, Питрәч муниципаль районыннан вәкил Руслан Вәлиуллин, Татарстан Республикасында кеше хокуклары буенча вәкаләтле вәкил ярдәмчесе Рәсим Яруллин катнашты.

Илшат Шамил улының әти-әнисенең, гаиләсенең, якыннарының авыр кайгыларын уртаклашабыз, күркәм сабырлыклар телибез. Батыр солдатның якты истәлеге безнең күңелләрдә мәңге сакланыр...